شێخ عبیداللەی كوڕی سەید تەهای شەمزینی خەڵكی(نەهری)هەرێمی هەكاری ژێر دەستی دەوڵەتی عوسمانی یه.
شێخ بریاری دا قورسایی هێز و تواناكانی شۆرشەكە بۆ كوردستانی رۆژهەڵات تەرخان بكات , هۆكاری ئەم هەنگاوەش لە كۆنگرەی هۆزە كوردی یەكاندا كەلەسالی1880ز لەلایەن شێخەوە روونكراوەتەوە لەم كۆنگرەیەدا(222)كەس لەسەرۆك هۆزەكان و پیاوانی ئاینی هەموو ناوچەكانی كوردستان ئامادەبوون شێخ كوردستانی رۆژهەڵاتی هەلبژارد بۆ ده‌رهێنانی لەژێر دەسەڵاتی قاجاری و كردنی بەبنكەیەك بۆ گرتنی تەواوی كوردستان .

هەروەها گوتی ستەمكاری قاجارەكان نارەزایی بەرفراوانی لە دڵی كوردەكانی كوردستانی رۆژهەڵات دروست كردووە .

لەدەستپێك ، جەنگاوەرانی كورد توانییان(لاهیجان)و(سەردەشت) لەنیوەی یەكەمی ئەیلولی1880ز بگرن , دوای ئەمە بەرەو مەهاباد كەوتنەرێ‌ و ئەوێشیان گرت .